Kaleratze data:

uztaila 31, 2014

share:

logo ituneslogo spotify

Islada

    1.Gaua
    Aurrera egin nahiko nuke, baina ene burua
    lur azpian dut, ostrukek bezala.
    Ezarritako egiei oles egin nien,
    burua jaitsi, nire erruak onartuz.

    Hobea izateko obsesio lazgarria
    dut buruan momentu oro,
    baina azkenan harri berbera jaten dut
    betiko beldurren preso.

    Pausu bakoitza neurtzean, bidea galdu nuen;
    norako bilatuz ito nintzen.
    Zoriona utopia hutsa dela aspaldi sumatu genuen.

    Gezurrak ez dira lehen ziren bezain latzak,
    ezta egiak hain politak;
    eta galderek haien zentzua galtzen dute
    erantzuna entzuteari uzten badiozu.

    Ez dut, ez dut nahi atzera begira bizi,
    ez dut, ez dut nahi hitz zahar hauekin ito.
    Etorkizuna ikusteko, gaua biziraun beharko dut.
    Ez dut, ez dut nahi erantzuna galdu.

    Erabakiak hartzeari beldur diot.
    Eta hoberena naizela sentitzea behar dut berriro,
    inoiz izan ez banintzen ere.

    Sexua, mina eta beldurraz pentsatzen etengabean;
    lorik gabeko gauetako leloa.

    Eta gau ilunetan,
    ordu txikienetan,
    kontraesan bakoitzean
    zalantzazko hitzetan;
    bideko hautsa irenstean,
    ihes egiterakoan,
    galduta sentitzen naiz.

    2.Bakea(Sic)
    Segunduak badoaz, tankeen gurpilen artean
    harea begietan, etsaien harriak ikusi ezinean
    Badago beste saririk, odola eta hautsa baino?
    Johnnyren legea entzun, inon ez zaude seguru

    Noiz amaituko ote da
    zentzugabeko guda dantza?
    Noiz ikasiko dugu
    jaten ematen digun eskuari koska egiten?

    Terroristen gorpuak atalaiak dira itsasoan,
    gure bakearen zaindari, eskuzabaltasunaren seinale

    Noiz amaituko ote da
    zentzugabeko guda dantza?
    Noiz ikasiko dugu
    jaten ematen digun eskuari koska egiten?

    Gure txakurrek petrolioa baino ez dute usaintzen;
    gure zainak gorri, zuri eta urdinez jantzita.
    3.Ereserkiak
    Tamalez, heldu dira egunak
    noiz nahi gabe, etengabe
    irentsi behar ditugun
    pitoiak bagina bezala
    telebistan, interneten ta irratian
    publizidade selektibo bitartez
    zuen komunetatik datorren
    momentuko kaka zaharra.

    Ezpainetara heltzen dira,
    baina bihotzera inoiz ez
    ereserki bezala saltzen
    dizkiguzuen kantak.

    Orain kantek gaitasuna galdu dute
    hezurreraino koska egiteko;
    bidean nonbait ahaztu omen genuen
    musika ez dela produktua
    supermerkatuan saltzeko,
    bakoitzaren barruak husteko
    eztarrian jarritako hatza baizik.

    Ezpainetara heltzen dira,
    baina bihotzera inoiz ez
    ereserki bezala saltzen
    dizkiguzuen kantak.

    Musika ezin da fabrikatu, produktua bailitzan
    arimara heltzeko, plastikozko kantak isildu.
    4.Horma
    Non gelditu zen zirrara,
    zer gertatu zitzaien
    mundua erretzeko gogoei?
    Udaberri bakoitza
    makilkada berri bat bada
    zure lepo jipoituan.

    Iraganeko jainkoek
    hormako gotorlekutik begiratzen naute,
    haien paperezko begiez
    nire kontraesan bakoitza epaituz.

    Zeren kontra altxatzea,
    lehen barre egiten zenion hartan
    bihurtu bazara.
    Ispiluko ezezagun horren aurpegia
    hil nahiko nuke,
    eta desagertu…

    Iraganeko jainkoek
    hormako gotorlekutik begiratzen naute,
    haien paperezko begiez
    nire kontraesan bakoitza epaituz.

    Altxatzea erortzea bezain
    erreza balitz...
    5.Azaletik
    Iparra galduta, iparra galduta
    lehenengo unetik,
    hotzikara latzak lepotik behera.
    Buruz uretara, buruz uretara
    birritan pentsatu gabe
    zure olatuen indarrean.

    Gutxien espero duzunean
    gertatzen denak
    uzten dizu beti
    orbain handiena.

    Ez zaitez joan, ez baitut nahi
    bakarrik lo egin;
    ta barkatu hunkitu banaiz
    hemen ez zaudenetik.

    Errautsezko, errautsezko musuak
    iluntzero, lotsaz Beteta,
    gaua bezain laburrak
    Hobe da, hobe da, hobe ote al da
    ahaztea, nire azaletik
    zure izena erauztea.

    Ez zaitez joan, ez baitut nahi
    bakarrik lo egin;
    ta barkatu hunkitu banaiz
    hemen ez zaudenetik.

    Ta zure begiak
    izarretan margoztu ezinean,
    haien irudia lau hitzetan,
    abesti honetan.
    6.Ispiluak
    Ez da erreza ez, zaila da izatez,
    ispiluen diktadura honetan bizitzea.
    Telebistaren ahotsak xuxurlatzen dizu
    askoz hobe izan zaitezekeela.

    Galde egiozu behin eta berriro
    nor ote den erresuma honetan ederrena;
    bere irribarre hotzaz erantzungo dizu
    ez duela gezurrik esan nahi.

    Zoaz ispilura, irentsi egia.

    Azalaren azpian,
    haragia eta hitzak baino ez gara.
    Ispiluak apurtu arte
    norberarenganako gorrotoa isladatuko dute.

    Bakoitzaren benetako koloreek
    barnean erretzen dute,
    argitasun itsugarriz,
    ikusi ahal dena gailenduz.
    7.Mila Hitz
    Orri zuri honen aurka egunero dudan gudu zoli siku honetan,
    Neure buruari galdetzen diot sarritan zertan ari ote naizen;
    zein zentzu duen egunero borrokatzeak aurrera joateko,
    irtenbiderik gabeko kale kantoi honetan.

    Zergaitik abestu, zergaitik oraindik zarata hau defendatu,
    ordenagailu batek nik baino hobeago egiten badu?
    Diruagatik? Famagatik? Sexuagatik? Frustrazioa ote al da?
    Zure iluntasunean iñarra izan nahiko nuke.

    Eta gaubela zurietan okurritzen zaizkidan
    gezurren artean, badago egi bat.

    Ta bakarrik egon arren,
    nahiz zuekin hemen kantatzen,
    akorde soil baten bitartez
    mila hitz baino gehiago esan ditzaket.

    Ez dagoela hemen inongo eszenarik
    non musika politika baino garrantzitsuago den;
    bizitza soil honen kolpe bakoitzean
    ikasi genuen lezio hau.
    8.Eskuak Garbi
    Norena ote da odol guzti hau?
    Noren hitzek dakarte hainbeste gorroto?
    Zein gezur pozoitu diote gaur
    hogeitamaseiko burmuin izoztuek
    haien Madrilgo jauregietatik?
    Zergatik zerria hil zenetik
    da kiratsa gero eta biziago?
    Noren hildakoen izenak harrian idatzita
    ta norenak bide ertzeko lokatzean ahaztuta?

    Erahildakoen mamuek
    gauez garrasika diote
    “Zer da egin duguna,
    justizi hau merezitzeko?”

    Batzutan lotsa ematen dit zuen aire berbera arnasteak
    Nire inguruan zaudetela jakiteak usteltzen nau

    Eskuak garbi, mingaina zikin
    Eskuak garbi, bihotza beltz

    Erahildakoen mamuek
    gauez garrasika diote
    “Zer da egin duguna,
    justizi hau merezitzeko?”
    Historia idatzi zutenen
    oroimenean ihartu zen
    tinta gorriz idatzitako egia.
    9.Amalur
    Bere hiltamua, labezomorroen eta zizareen konpainian;
    eta, bere inguruan, zuhaitz beltzen atzaparrek zeru grisa urratzen dute.

    Begi lausoez bere semeei, aurpegira begira esan zien:
    nire sabeleko fruiturik ustelenak, maite zaituztet infernutik.

    Urteetan zehar, hortzak atera eta atzazalak erauzi zizkioten;
    bere barneko pizti itsuari ardiaren itxura emanez.

    Begi lausoez bere semeei, aurpegira begira esan zien:
    nire sabeleko fruiturik ustelenak, maite zaituztet oraindik;
    anai-arrebak erahil dituzue, nire azal gozoa zimeldu,
    zuen agonía garrasi arrotzak entzungo ditut infernutik.

    Horrela hil genuen Amalur.
    10.Herria(harria)
    Biluz itzazue ezpatak,
    Amaiur, Antxoren ametsa.
    Gorde ezazue mingaina,
    Axular, hitzen boterea.

    Arma jaurtikorra bazara urte askotan,
    silexaren antzera bortizki zorrozten zoaz.

    Ta zein zentzu dute gaur Arestiren hitzek?
    Nire aitaren etxea, zutik ba al dago?

    Aranaren urrats lokaztuak,
    Gorri, zuri eta orlegi.
    Konfesatzea bezain beharrezkoa,
    Santa Cruz, guda egitea.

    Egi benetakoaren jabeei
    zenbait hitz xalo dedikatu nahi nizkieke hemendik.

    Ta zein zentzu dute gaur Arestiren hitzek?
    Gure aitaren etxea zutik mantentzearekin nahiko dugu.
    Ez al zaizu okurritu, beharbada, zure herriak duela azken hitza?

    Herri ezjakin eta beldurtu baten gorrotoak
    bihurtu gaitu gaur garen enigma honetan.
    Ez dira konturatu zenbait eta eraso gehiago jasan
    gure aurpegiko harria gero eta indartsuago dela?

    Nire aitaren etxea defendatuko dut.
    11.Bidea
    Zuri-beltzeko oroimena datorkizu
    aspaldiko larrosa hoien lagun,
    hortzez eta arantzez katigatuta
    zure baitako isilunea.

    Indiferentzia hits batez
    zentzua galtzen kolpez
    biraka hurbiltzen da kaosa
    hankaz goratzen zure mundua

    Esku eta hortzak estutu,
    etorkizuna irain ezazu
    belaunetatik altxatu,
    dohain ezer ez baitugu.

    Esan zizuten zure mundua txikia zela,
    baina patuaren gainetik eraiki duzu bidea
    izarretan zure istorioa idatzi duzu
    su artifizialak bezela.

    2014ko Apirilan Bilboko koba estudioan grabatua, nahastua eta masterizatua Xanperekin. Kolaborazioak: Ander Gezuraga Bidea letran. Eneko (Ero,Muted) ahotsak horma abestian.